ياهندسة عمري ومستطيل الخوف
يلي حبك مربع يحوي اسراري
يا دائرة صبري ويامعين الروح
يامخروط لهفتي ومنقلة ناري
يامسطرة عيدي وللفرح فرجال
يازاوية صمتي ونقطة افكاري
يا اجمل مجسم رسمته الايام
يامنظور عمري الراح والجاري
***************
حبك يظل زائد ياحبيب الروح
ما ينطرح منه ويقل مقداره
يا اصعب جذر يا قسمه يا تربيع
يلي ماله نهايه وموجب الشاره
يلي نسبة جمالك على البشر تكعيب
وعيون الي تشوفك بيك محتاره
يالحيرت نيوتن جاذبيتك هاي
لان من جاذبيتك نظم افكاره
****************
بالتاريخ اعودن للكهوف وياك
واسكن كهف حبك واكتشف نارك
ما كوحصان ابيض عندي ديناصور
اجي راكب عليه وادخل اسوارك
اخطفك من قلعتك وامشي بيك بعيد
واصير ابن الملوح انظم اشعارك
***************
ياخارطة روحي وللحلم اقليم
ياقمة جبال الصبر والغيره
يا اكبر محيط عيونك الحلوات
يا اجمل بحيره للفرح ديره
احس خصرك مضيق وشعرك الشلال
وخدودك هضاب ونظرتك حيره
تضاريسك لغز وخدودك المجهول
لان خط استوائك صعب تفسيره
*******************
الرئيسية 
البوابة 
شات منتديات اهل الهمه للتميز 
موضوع: غزل بطريقة علمية 
الثلاثاء أغسطس 31, 2010 8:07 am
